Himannaa shoorarkeessummaa tan Mootummaan Itoophiyaa obboo Baqqalaa Garbaa itti aanaa dura taa’aa lammaffaa KFO fii namoota sababaa mormii Oromiyaa tiin ji’a Sadaasa 2015 irraa eegalanii hidhamaa jiran mootummaa Yuunaaytid steets haalaan yaaddeysaa tahuu joon Kirbiin dubbataan waajjiraa damee dhimma alaa biyya Yuunaaytid steets guyyaa Jimmata kaleessaa ibsa kennan.
Mootummaan Itoophiyaa sirna Dimokraasii dagaagsuu dhiiftee heera shoorarkeessummaa adabuu kan baafatte irratti irkattee gaazeexeessoota, miseensota jaarmayoota siyaasaa fii hayyoota hawaasaa dararaa fii hidhaa jirtu kana waajjirri isaanii ciminaan balaaleffachuu joon kirbiin hubachiisan.
Tarkaanfii humnaa tan mootummaan Itoophiyaa fudhattee jiraattota sababa mormii oromiyaatiin ajjeesaa, hidhaa ,dararaa jirtu gadi fageenyaan balaaleffachaa humna gocha kana ummata hiriira nagahaa geggeessanirratti raawwatte heeraaf akka dhiheessan waajjirri gaafachuu ibsan.
Sababaa mormii kanaan namoota hidhaa jiraniis daddaffiin murtiin heera dhugaa akka itti kennamtu dhaamaa; mootummaan mirga lammilee fii jaarmayoonni siyaasaa qaban kabajaa namoota haala kanaan hidhaa jiran mirga namoomaa kabajuun akka hidhaa keessaa baafaman joon kirbiin maqaa waajiraa damee dhimma alaa yuunaaytid isteetiin hubachiisan.
